Kia PSL5 anthem flop tha! Ye kahani ali zafar, ali azmat aur Badami phuppo ki zabani!

Kia Tamasha Hai? Kuch Pata Nahi.

Pakistan Super League shuru hogaya aur is k saath hi shuru huye kuch sastey dramay. To bhaiyo hua kuch yun k PSL ka official song to hogaya ZABARDAST FLOP! Is per hat gai Ali Bhai ki. Ali Azmat bhai, hamarey rockstar. Unki taraf se jo gola bari hui wo sari ki sari Ali zafar k uper hui.

Lekin is saray mamlay main aik phuppo ka hath hay aur wo hain Waseem Badami. Waseem badami nay ye sawal kiun pucha ali azmat say kay apka psl ka anthem ka kaisa feedback aya. Kher! naam b Ali Zafar ka usnay khud hi lia takay Ali Azmat uspar khud comment kray. Aag to usi ne laga, Jo Baat Hai…!

Kia kaha? kese kaha? khud dekh lo yaha.

Wese yar ye song ab itna bhi bura nahi hai. Khud hi dekh lo. Youtube per is waqt PSL 2020 official song per 104K likes hain aur sirf 75K dislikes hain. 75K bohot hote hain. Per likes to zada hi hain na. Mana k Ali Zafar k “Seeti” wale song k samne to chuss hogaya. Seeti wala song, “Ab Khel Jamey Ga…Taali baje gi…!” bus bus nachnee mat lg paro.

Bloggers Ali Zafar k Emplyees hain

Magar asal controversy is interview se hi start hui thi. Jab Ali Azmat ne AJEEB SE ilzaam lgae. Jese k ye PSL ka song Ali Zafar ne bloggers ko paise de kr FLOP krwaya hai. Bloggers Ali Zafar k employees hain. Inho ne is song k agianst me likha, log influence huye, aur bus. In baton ko Ali Zafar ne to enjoy kiya hi per hum sab ko bhi bara maza aya.

Dekho zara Ali Zafar ne apni tweet me kia kaha. “Bhai Hazir Hai”.

Bus phir to MEMES banna shuru hogaye. Do parties ban gayein aur INTERNET BATTLE start hogai.

Aur to aur, jale pe namak chirakne wala “Namak Haram”, jis ne PSL ki opening tabah kr di thi…

Kia tha uska naam, ary wo jo raat me KALEY CHASHMEY laga k agaya tha, khair jo bhi tha, usne kaha k PSL officials ki taraf se mjhe Ali Zafar ka koi bhi song play krne ki ijazat nahi hai. Ab isy sach kahen ya sasti shohrat ka nasha! Aap khud behtar samajhte honge.

Sun lo iski bhi. Warna kahe ga meri koi ni sunta.

Khair jo bhi hai. Magar is online batamizi ne social media ki newfeeds ko mess up kr k rakh dia hai.
Ek to PSL5 k liye hame koi dhang ka gana nahi mila aur uper se ye sab

Kahi Esa To Nahi K:

“KIU K YE BHI EK TARIKA HAI KISI BHI BIG LAUNCH SE PEHLY HYPE CREATE KRNE KA”

Jo bhi hai, apna to faida hi hai. Ek acha song mil jaega.

Ab Hum Kese Nachengy? 🙁

Dekh bhai, hamesha super-hit song dena possible nahi hai. Tujhe to bus mazay chaiye, nachne ka shoq hai na, to kisi Bollywood k song p naach ley.

via GIPHY

PSL Song K Qaatil

To dekho jaha tak is ganey ko bigarne ki baat hai,,, mera matlab hai banane ki baat hai – to inme chund ek logo ka hi haath hai. jisme Zulfiqar Jabar Khan aka Xulfi, jisne ye song likha aur produce kia hai. Is me Ali Azmat, Arif Lohaar, Haroon Rahid aur Asim Zafar nazar aye per phir bhi wo “PHIR SEETI BAJE GI” wala maza nahi aya jis ki waja se logo ko majbooran Ali Zafar ko ansuon se yaad krna para . Krna hi tha. Sara PSL barbaad jo ho gaya unka. Ek average song ki waja se.

Per kher hai, apne Ali Zafar bhai ne is sunday ko ek video release ki. Wo bethey they apne composing studio mein. Kuch bana rahe they shayad. Kehte hain, “Bhai Araha Hai, Tyaar ho”.

Ye sunte hi apne manchalay nojawan khushi se pagal hogaye.

Kiu k ye thi announcement PSL k new song ki jo k ab Ali Zafar launch karenge bohot jald. Bus is baat se PSL k official song makers ka mu hi ban gaya.

Khair, Allah jane kia drama laga hai ye. Bus khushi to is baat ki hai k Ali Bhai ne ab phir se SEETI BAJANI hai jis ka sab ko intezaar hai. Gana ban gaya bus video rehti hai. Jo k bnaenge sab mil kar.